Nadir kosmik hadisə: Gecə gülümsəyəcək

Nadir kosmik hadisə:    Gecə gülümsəyəcək
  23 Yanvar 2026    Oxunub:2179
Yanvarın 23-ü gecə saatlarında astronomiya həvəskarları üçün qütb parıltılarından daha nadir kosmik hadisə meydana gələcək. Ay, Saturn və Neptun planetləri göy üzündə bir nöqtədə cəmləşərək nadir mənzərə əmələ gətirəcək.
Maraqlıdır ki, Ay hazırkı günlərdə aypara fazasındadır. Ona görə də üç səma cisminin düzülüşü gülümsəyən sifəti xatırladacaq: aypara ağıza, Saturn və Neptun isə iki gözə oxşayacaq. Belə bir nadir kosmik mənzərəni gün batanda qərb üfüqünün ən aşağı səviyyəsində görə bilərsiniz.

Ay və Saturn hava qaralarkən asanlıqla gözə dəyəcək. "Gülümsəyən sifət"in üçüncü elementi, yəni Neptun isə solğun işığa malikdir: onu seçə bilmək üçün durbin, yaxud teleskop lazımdır. "Gülümsəyən sifət" üfüq xəttinə çox yaxın nöqtəyə düşəcək, odur ki "gecənin təbəssümü"nü görmək üçün binalarla, ağaclarla məhdudlaşmayan açıq sahədə durmalısınız.

Firudin Həmidli
AzVision.az


Teqlər: kosmos   hadisə   təbəssüm  



Xəbər lenti