“Xaç atası”: Hekayə davam edir

// Konni Korleoni haqqında yeni roman yazılır

      “Xaç atası”:    Hekayə davam edir
  27 May 2026    Oxunub:1600
Gələn il “Xaç atası” silsiləsindən növbəti kitab çapdan çıxacaq. “Konni” adlı romanın üzərində 18 bestsellerin müəllifi olan Adriana Triciani işləyir. Adından da göründüyü kimi, əsərin əsas qəhrəmanı Vito Karleoninin qızı Konstansiya (Konni) Karleoni olacaq.
Orijinal romanın müəllifi olan yazıçı Mario Pyuzonun varisləri yeni kitaba öz xeyir-dualarını veriblər.

2012-ci ildə Ed Falko “Karleoni ailəsi” romanını yazanda “Paramount” studiyası məhkəməyə müraciət edərək, kitabın nəşrinə qadağa qoymağa çalışmışdı. O zaman Pyuzo ailəsi işə qarışaraq, studiyaya qarşı əks iddia irəli sürmüşdü. Sonda tərəflər razılığa gəldilər ki, yeni kitablar nəşr etdirilə bilər, amma onların ekranlaşdırlması hüququ “Paramount”da qalacaq. Yeni romanın hüquqları “Random House” nəşriyyatına məxsusdur.

Adriana Triciani

“Xaç atası” filmini 1972-ci ildə rejissor Frensis Ford Koppola çəkmişdi. 1974 və 1990-cı illərdə filmin ikinci və üçüncü hissələri ekranlara çıxıb. Hər 3 hissədə Konni rolunu aktrisa Taliya Şayr ifa edib.

87 yaşlı Koppolanın yeni filmin üzərində işləyib-işləməyəcəyi hələ məlum deyil.

Samir Quliyev
AzVision.az


Teqlər: Kino   Xaç-atası  



Xəbər lenti