AzVision.az xəbər verir ki, “Politico” nəşrinin məlumatına görə, Londonda yerləşən “Public First” sosioloji şirkətinin araşdırmalarına əsasən, sorğu aparılan bütün ölkələrdə respondentlərin əksəriyyəti ABŞ-ni etibarsız müttəfiq kimi qiymətləndirir.
Almaniyada sorğuda iştirak edən böyük adamların yarısı ABŞ-ni etibarsız ölkə adlandırıb, Kanadada isə bu rəqəm 57% təşkil edib. Fransada bu fikirdə olan respondentlərin nisbəti də Amerika ilə alyansa güvənənlərin sayından iki dəfə çoxdur.
ABŞ-yə ən yüksək etimad səviyyəsi Böyük Britaniyada qeydə alınsa da, orada da vəziyyət çox da ürəkaçan deyil: britaniyalıların 35%-i ABŞ-ni etibarlı müttəfiq sayır, 39%-i isə onu etibarsız hesab edir.
Sorğunun nəticələrinə görə, Amerikanın hərbi gücü getdikcə qeyri-müəyyən çəkindirici vasitə kimi qəbul edilir. Fransa və Almaniyada əksəriyyət potensial rəqiblərin ABŞ ilə müttəfiq olduqları üçün hücumdan çəkinəcəyinə inanmır. Böyük Britaniyada ABŞ-ni bu mənada təsirli maneə kimi görməyə davam edənlərin sayı bir il ərzində 10% azalıb.
Böyük Britaniya, Fransa və Almaniyada ABŞ-nin neqativ qiymətləndirilməsi əsas göstəricilər - müttəfiqin etibarlılığı, demokratiyanın qorunması və ortaq dəyərlər - üzrə üstünlük təşkil edir.
Fransada respondentlərin yalnız 17%-i ABŞ-nin onların dəyərlərini bölüşdüyünə inanır, 49%-i isə belə düşünmür. Almaniyada respondentlərin 50%-i ABŞ-nin onların dəyərlərini bölüşmədiyini, yalnız 18%-i isə Vaşinqtonun demokratiyanı müdafiə etdiyini bildirib.
Sahil İsgəndərov
AzVision.az
Politico: “Etimad böhranı: Avropa ABŞ-dən üz döndərir”
12 Fevral 2026
Oxunub:1257
Almaniya, Fransa, Böyük Britaniya və Kanadada ABŞ-ni etibarlı müttəfiq kimi görməyən vətəndaşların sayı artır. Onlar Birləşmiş Ştatların demokratiyanı müdafiə etdiyinə və ya onların dəyərlərini bölüşdüyünə şübhə ilə yanaşırlar.
Teqlər: ABŞ Avropa etimadsızlıq
Vaxtında, Aydın, Lazımlı!
-1780587274.jpg&h=190&w=280&zc=1&q=100)
-1780404767.jpg&h=120&w=187&zc=1&q=70')
