Oksford İnternet İnstitutu və Oksford Universitetinin Nuffield İlkin Tibbi Yardım Səhiyyə Elmləri Departamenti tərəfindən aparılan araşdırma tibbi qərarlar qəbul etmək üçün süni intellektdən istifadənin qeyri-dəqiq və uyğunsuz məlumatlar vermək riski daşıması səbəbindən xəstələr üçün təhlükə yaratdığını müəyyən edib.

Tədqiqatın həmmüəllifi Rebekka Payne bildirib: “Bütün ajiotajlara baxmayaraq, süni intellekt həkim rolunu öz üzərinə götürməyə hazır deyil. Xəstələr simptomları haqqında böyük dil modelindən soruşmağın təhlükəli ola biləcəyini, səhv diaqnozlar qoyduğunu və təcili yardıma ehtiyac duyulduğunu nəzərə almalıdırlar.

Tədqiqatda təxminən 1300 iştirakçıdan mümkün sağlamlıq vəziyyətini müəyyənləşdirmək və müxtəlif ssenarilərə əsasən növbəti addımları tövsiyə etmək istənilib. Bəzi iştirakçılar potensial diaqnoz qoymaq üçün böyük dil model proqram təminatından istifadə ediblər, digərləri isə ailə həkiminə müraciət kimi ənənəvi metodlara güvəniblər.

Tədqiqatçılar süni intellekt alətlərinin tez-tez istifadəçilərin ayırd etməkdə çətinlik çəkdiyi yaxşı və pis məlumatların qarışığını təqdim etdiyini aşkar ediblər. Belə ki, çatbotlar tibbi biliklərin standart testlərində üstün olsalar da, tədqiqat onların tibbi alət kimi real həyatda istifadəsinin öz tibbi simptomları ilə bağlı kömək axtaran real istifadəçilər üçün risk yaradacağı qənaətinə gəlib.

Tədqiqatın aparıcı müəllifi Endryu Bin insanlarla qarşılıqlı əlaqənin hətta ən yüksək performansa malik süni intellekt sistemləri üçün də problem olaraq qaldığını və nəticələrin bu cür alətlərin daha təhlükəsiz inkişafına töhfə verəcəyinə ümid etdiyini bildirib.

AzVision.az