Yaradıcısı və icraçı direktoru İqnasiyo Sançes Sorondo olan “Atlar və İnsanlar” sənədli serialında müxtəlif xalqların qədim atçılıq ənənələri araşdırılır. Atların tarixən xalqın həyatında tutduğu yer əsas götürülməklə, onun milli adət-ənənələri, mədəni irsi də tanıdılır.
Sənədli serialın birinci mövsümünün çəkilişləri 8 ölkədə - Argentina, Braziliya, Meksika, Hindistan, Mərakeş, Səudiyyə Ərəbistanı, İndoneziya və Monqolustanda həyata keçirilmişdi. İkinci mövsümün üzərində işləyərəkən yaradıcı heyət Azərbaycandan başqa İspaniya, Kolumbiya ABŞ və digər ölkələrə səfər edəcək. Prosesin ikinci mərhələsi avqust-sentyabr aylarında baş tutacaq.
Serialın Azərbaycandan bəhs edən epizodunda xalqımızın qədim atçılıq ənənələrindən, dünyaca məşhur Qarabağ atlarından, həmçinin müasir polonun qədim versiyası olan Çövkən oyunundan söz açılacaq. Sənədli serialın yaradıcıları ikinci mövsümün həmçinin “Netflix” rəqəmsal platformasında da yayımlanmasını nəzərdə tuturlar.
Qeyd edək ki, “Atlar və İnsanlar” sənədli serialının Azərbaycanda çəkilməsi ölkəmizin Argentinadakı Səfirliyinin təşəbbüsü və Beynəlxalq Çövkən Federasiyasının sponsorluğu, Azərbaycan Respublikasının Mədəniyyət Nazirliyinin, Mədəniyyət Nazirliyinin tabeliyində Kino Agentliyinin, Cəfər Cabbarlı adına “Azərbaycanfilm” Kinostudiyasının, Qarabağ Atçılıq Zavodunun və Şamaxı Rayon İcra Hakimiyyətinin dəstəyi ilə reallaşıb.
“National Geographic” Azərbaycanda sənədli serial çəkir │ VİDEO
04 İyul 2026
Oxunub:349
“National Geographic” kanalının istehsal etdiyi “Atlar və İnsanlar” (“Horses & Humans”) sənədli serialının ikinci mövsümünün Azərbaycandakı çəkilişlərinin ilk mərhələsi yekunlaşıb. Çəkilişlər Bakı, Şamaxı, Qobustan və Ağcabədidə aparılıb.
Vaxtında, Aydın, Lazımlı!
-1783098976.jpg&h=190&w=280&zc=1&q=100)
