ABŞ-nin qabaqcıl investisiya banklarından olan “Goldman Sachs”ın proqnozuna görə, strateji neft ehtiyatlarının yenidən artırılması tələbi artırsa da, bu, gözlənilən təklif çoxluğunu tamamilə aradan qaldırmaq üçün kifayət etməyəcək. Strateji neft ehtiyatlarını artırmaq üçün xam neft alışlarının qlobal bazarı bir qədər sıxlaşdıracağı, lakin bunun gözlənilən təklifi çoxluğunu qismən kompensasiya edəcəyi gözlənilir.

Hörmüz boğazındakı axın tam normallaşdıqdan sonra bazarın təchizat profisitinə qayıtması gözlənilir. Gələn il gündəlik təchizat profisitinin 3 milyon bareldən bir qədər çox olacağı proqnozlaşdırılır. Qlobal miqyasda strateji neft ehtiyatlarının bərpası çərçivəsində gündəlik 1 milyon bareldən bir qədər çox əlavə tələbat gözlənilir, lakin bundan sonra belə bazarda sutkada təxminən 2 milyon barel təklif profisiti qalacaq.

Ekspertlərin fikrincə, İran tərəfinin ABŞ rəsmiləri ilə görüşməyəcəyini açıqlaması 4 ay davam edən münaqişədən sonra əldə edilən müvəqqəti atəşkəsin gələcəyi ilə bağlı narahatlıqları artırıb. Yaxın Şərqdəki münaqişənin sona çatması istiqamətində irəliləyişlər fonunda neftin qiyməti kəskin ucuzlaşmışdı.

“Brent” markalı xam bir barelinin qiyməti ilin birinci və ikinci rübləri arasında təxminən 45 dollar ucuzlaşıb. Bu da 2008-ci il qlobal maliyyə böhranından bəri ən böyük rüblük itkidir. “Light” markalı neftin bir barelinin qiyməti isə həmin dövrdə təxminən 31 dollar ucuzlaşaraq COVID-19 pandemiyasının qlobal tələbatı azaltdığı 2020-ci ildən bəri ən kəskin rüblük geriləmə nümayiş etdirib.

Bundan başqa, sanksiyaların ləğv edilməsi ilə İranın hazırda öz neftini 20 faiz daha baha satdığı, dəniz blokadasının ləğv olunması ilə 10-12 gündən az müddətdə 40 milyon bareldən çox neft ixrac etdiyi bildirilib.

Analitiklər münaqişəsinin başlanğıcından bəri ilk dəfə olaraq 2026-cı il üçün neft qiymətləri proqnozlarını aşağı istiqamətdə yenidən nəzərdən keçiriblər. Hörmüz boğazının yenidən açılması uzunmüddətli təchizat fasilələri ilə bağlı narahatlıqları aradan qaldırıb və qiymət gözləntilərinin aşağı istiqamətdə yenidən nəzərdən keçirilməsinə səbəb olub.

Amerika Neft İnstitutunun (API) məlumatlarına görə isə ötən hesabat həftəsində ABŞ-nin xam neft ehtiyatları 6,1 milyon barel azalıb, benzin ehtiyatlarında da azalma qeydə alınıb.