İran iki ölkəyə yeni səfirlər göndərib

   İran iki ölkəyə yeni səfirlər göndərib
  25 Fevral 2026    Oxunub:1565
(Məhəmməd Rza Rauf Şeybani (solda) və Nasir Kənani (sağda) İran Prezidenti Məsud Pezeşkiyanın qəbulunda)

İran Xarici İşlər Nazirliyinin ali vəzifəli məmuru, İranın Suriya üzrə xüsusi nümayəndəsi Məhəmməd Rza Rauf Şeybani ölkənin Livanda yeni səfiri təyinatı alıb.
Bu barədə İranın "Mehr" xəbər agentliyi məlumat yayıb. Bildirilib ki, Məhəmməd Şeybani ölkəsinin 2022-ci ildən bəri Livandakı səfiri Müctəba Əmanini əvəzləyəcək. Məlumata əsasən, yeni səfir İsrail ilə Livanda fəaliyyət "Hizbullah" təşkilatı arasında müharibə dövründə də Tehranın bu ölkənin paytaxtı Beyrut şəhərində nümayəndəsi idi.

Məhəmməd Rza Rauf Şeybani həmçinin İranın 1991-1995-ci illərdə Kiprdə, 2004-2005-ci illərdə Misirdə səfiri vəzifələrində çalışıb. 2009-2011-ci illərdə isə xarici işlər nazirinin müavini işləyib.

Eyni zamanda, İranın Xarici İşlər Nazirliyinin 2022-2024-cü illərdə mətbuat katibi Nasir Kənani Tehranın Əlcəzairə yeni səfiri qismində göndərilib. Nasir Kənani də müxtəlif illərdə ölkənin diplomatik təşkilatında ali vəzifələr tutub.

Firudin Həmidli
AzVision.az


Teqlər: İran   Livan   Əlcəzair   səfir  



Xəbər lenti