Məsələ ilə bağlı sosial şəbəkələrdə paylaşım edən iqtisadçı-ekspert Eldəniz Əmirov uşağın doğulmasına görə, kişilərə 14 günlük ödənişli məzuniyyət verilməsi barədə qanunvericilikdə təklif edilən dəyişikliyin əhəmiyyətinə toxunub.
Eldəniz Əmirov bildirib ki, ailə institutunun möhkəmlənməsi, valideyn məsuliyyətinin bölüşdürülməsi və ailədaxili harmoniyanın güclənməsi baxımından bu qərar çox önəmlidir.
Ekspert, eyni zamanda, bu müstəvidə daha bir neçə addımın atılmasının zəruri olduğuna diqqət çəkib.
“Hesab edirəm ki, bununla paralel olaraq ailə quranlara 3 günlük ödənişli məzuniyyət hüququnun, valideynlərin məktəb tədbirlərində iştirakını təmin edən yarım günlük “sosial fasilə” imkanının və bu qəbildən digər sosial dəstək mexanizmlərinin qanunvericilikdə əks olunması vacibdir”, - Eldəniz Əmirov vurğulayıb.
|
|
Uşağı doğulan kişilərə 14 gün ödənişli məzuniyyət veriləcək |
İqtisadçı-ekspertin fikrincə, əlavə maliyyə tələbi üzündən əgər bəzi sahələrdə görülməsi planlaşdırılan işlər çətinləşirsə, o zaman heç olmasa maliyyə yükü yaratmayan istiqamətlərdə bu tip motivasiyaedici və ruhlandırıcı mexanizmlərin tətbiqi məqsədəuyğundur. Çünki bəzən kiçik bir güzəşt və ya rahatlıq, böyük sosial nəticələr verə bilir.
Sahil İsgəndərov
AzVision.az
Vaxtında, Aydın, Lazımlı!
-1780470666.jpg&h=190&w=280&zc=1&q=100)
-1780404767.jpg&h=120&w=187&zc=1&q=70')
