Tutaq ki, siz təzə avtomobil almısınız. Qiymətdə uduzmamaq üçün onu nə vaxt satmaq lazımdır? Çoxları əsas meyar kimi gedilən məsafəni (“probeq”) götürür. Amma bu doğru yanaşma deyil. Çünki gedilən məsafə maşının resuslarının ümumi vəziyyəti barədə çox informasiya vermir.
Avropa ölkələrində bu məqsədlə çox vaxt “50% qaydası" adlanan metoddan istifadə edilir. Həmin qayda belədir: Avtomobilə çəkdiyiniz xərclər onun hazırkı bazar qiymətinin yarısına çatanda satın. Bu hədd kritik sayılır. Ondan sonra maşının saxlanması daha çox xərc tələb edir və satanda çəkilən xərcləri çıxarmaq olmur.
Məsələn, tutaq ki, 30 min manata yeni avtomobil almısınız. Onun saxlanmasına, cari təmirə, hissələrinin dəyişdirilməsinə və s. çəkdiyiniz bütün xərcləri hesablayın. Bunun üçün ayrıca bloknot tutun və maşında saxlayın. Bütün xərcləri ora qeyd etməyi özünüz üçün adət halına salın. Siz istifadə etdikcə təbii ki, maşının bazardakı qiyməti də ucuzlaşır. Tutaq ki, onu hazırda 25 min manata sata bilərsiniz. Əgər xərclər bloknotundakı məbləğ həmin rəqəmin yarısına - 12,5 min manata çatıbsa, maşını satmaq optimal strategiyadır.
Samir Quliyev
AzVision.az
Maşını satmağın "qızl qayda"sı: 50% prinsipi
01 Noyabr 2025
Oxunub:1970
Azərbaycanda avtomobili adətən sonradan satmaq üçün alırlar. Hətta çoxları avtomobil seçməyə də “sonra bunu necə satacağam” prinsipi ilə yanaşır. Bunun doğru yanaşma olub-olmadığına hər kəs özü qərar versin. Biz isə ayrı suala aydınlıq gətirəcəyik.
Teqlər: Avtomobil
Vaxtında, Aydın, Lazımlı!
-1780404767.jpg&h=120&w=187&zc=1&q=70')
