Astrofizik Nil de Qrass Tayson “DC Comics” şirkətilə birlikdə müəyyən edib ki, əgər Kripton adında planet həqiqətən də mövcud olsaydı, LHS 2520 adlı ulduzun ətrafında dövr etmiş ola bilərdi. Başqa adı GJ 3707 olan həmin “qırmızı cırtdan” Yerdən 41.9 işıq ili məsafədə, İlandaşıyan bürcündə yerləşir. Bu ulduz Günəşdən balaca və nisbətən soyuqdur. Onun diametri Günəşin diametrinin 30%-nə bərabərdir, temperaturu isə 2400-3700 °C arasındadır. Adətən belə hesab edilir ki, LHS 2520 kimi qırmızı cırtdanların ətrafında həyat üçün yararlı zona mövcud ola bilər.
LHS 2520 ulduzundan çıxan işıq Yerə 41.9 ilə çatır. Amma kütləyə malik olan heç bir cisim işıq sürətilə hərəkət edə bilməz. Kosmik obyektlər maksimum işıq sürətinin 10% ilə hərəkət edirlər (təxminən 67 milyon km/saat). Əgər Kal-Elin olduğu kapsul həmin sürətlə hərəkət etsə, Yerə 420 ilə çatardı. Beləliklə, Kanzasda Yerə enəndə Supermenin azı 421 yaşı olub. Halbuki, komikslərdə Supermen 30–35 yaşında təsvir olunur.
Yer texnologiyaları ilə müqayisə edəndə vəziyyət daha maraqlı alınır. Müasir kosmik gəmilər (məsələn, “Artemis” layihəsində istifadə edilən “Orion”) 40.000 km/ saat (işıq sürətinin 0.0037%-i) sürətlə hərəkət edir. Bu sürətlə LHS 2520 ulduzundan Yerə gəlmək üçün 1.14 milyon il tələb olunardı.
Samir Quliyev
AzVision.az
Riyaziyyat Supermenə qarşı
// Kriptondan Yerə gəlmək üçün nə qədər vaxt lazımdır?
02 Sentyabr 2025
Oxunub:2875
Dünyadakı ən məşhur immiqrant, yəqin ki, Supermendir. Komiks əfsanəsinə görə, onun doğma planeti Kripton məhv olmaq təhlükəsilə üzləşəndə balaca Kal-El xilasedici kapsulda Yer Kürəsinə göndərilib.
Teqlər: Supermen
Vaxtında, Aydın, Lazımlı!
-1780470666.jpg&h=190&w=280&zc=1&q=100)
-1780404767.jpg&h=120&w=187&zc=1&q=70')
