AzVision.az Böyük Britaniyanın “Financial Times” nəşrinə istinadən xəbər verir ki, Avropa Komissiyasının (AK) vitse-prezidenti və Aİ-nin Rəqabət məsələləri üzrə komissarı Teresa Ribera belə deyib.

Xanım Ribera bildirib ki, Aİ-nin ticarət danışıqları üzrə müvəkkilləri birlik daxilindəki razılaşma əsasında Vaşinqtonla ticarət sövdələşmələri zamanı ABŞ-yə qarşı “lütfkarlıq” nümayiş etdiriblər.

Avrokomissar vurğulayıb ki, Brüssel Aİ-nin əsas texnologiya qanunlarını - Rəqəmsal Xidmətlər Aktı və Rəqəmsal Bazarlar Aktını ləğv etmək üçün ABŞ-nin heç bir məcburiyyətini qəbul etməməlidir.

“Biz mehriban, nəzakətli ola bilərik, problemləri və fikir ayrılıqlarını həll etmək yollarını tapmağa çalışa bilərik. Lakin ABŞ-nin tələb etdiyi ilə razılaşa bilmərik”, - Teresa Ribera xəbərdarlıq edib.

Reuters: “Tramp Aİ məmurlarını hədəfə ala bilər”

Bir neçə gün əvəvl “Reuters” agentliyi ABŞ prezidenti Ağ Ev administrasiyasının Rəqəmsal Xidmətlər Aktı (RXA) ilə bağlı Aİ təmsliçilərinə və birliyin ayrı-ayrı üzvlərinə qarşı sanksiyaların tətbiqi imkanlarını nəzərdən keçirdiyini yazıb.

Xatırladaq ki, iyulun 27-də ABŞ prezidenti Donald Tramp AK-nin sədri Ursula fon der Lyayenlə görüşdən sonra Aİ ilə yeni ticarət razılaşmaları açıqlama verib. İndi ABŞ-yə idxal olunan bütün Avropa mallarına rüsum 15% təşkil edəcək, Aİ isə Amerika ixracına tariflər tətbiq etməyəcək.

AK sədri Trampla ticarət razılaşmasını “sabitlik və proqnozlaşdırıla bilməsi” baxımından yüksək qiymətləndirib. Onun sözlərinə görə, Aİ-ABŞ ticarət razılaşmasından imtina etmək Moskva və Pekində bayrama səbəb olardı.

Lakin müqavilənin imzalanmasından bir neçə həftə sonra vergiləri, texnologiya şirkətləri ilə bağlı qaydaları və ya qanunları ABŞ-yə qarşı “ayrı-seçkilik sərgiləyən” ölkələri Tramp tariflər və ixrac nəzarəti tətbiq edəcəyi ilə hədələyib.

Sahil İsgəndərov
AzVision.az