Pentaqon F-47 layihəsinə fokuslanıb - VİDEO

Pentaqon F-47 layihəsinə fokuslanıb - VİDEO
  04 İyun 2025    Oxunub:1487
Pentaqon hesab edir ki, altıncı nəsil qırıcı təyyarənin yaradılmasında diqqəti F-47 layihəsinə yönəltmək və ölkənin hərbi-dəniz qüvvələri (HDQ) üçün F/A-XX kimi tanınan oxşar proqram üzrə işləri təxirə salmaq lazımdır.
AzVision.az xəbər verir ki, ABŞ-nin Müdafiə nazirliyinin Konqresin müvafiq komitələrinə müraciətinə istinad edən “Bloomberg” agentliyinin yaydığı məlumata görə, Pentaqon parlamentariləri “F/A-XX” proqramı üçün ayrılan 500 milyon dolları “Boeing” şirkətinin bu ilin mart ayından üzərində işlədiyi F-47 layihəsinə yönləndirməyə çağırıb.

İki altıncı nəsil döyüş təyyarəsi layihəsi üzərində eyni vaxtda işləmək hər iki proqramın məqsədlərinə çatmaması ilə nəticələnə bilər.

“Bir çox təyyarə layihələri qrafikinin gecikmələrini və yüksək xərcləri nəzərə alaraq, Müdafiə nazirliyi F-47-yə diqqət yetirməyi, HDQ-nin F/A-XX proqramını inkişafı və texnoloji baxımdan hazırlanması üçün vaxt verməyi tövsiyə edir”, - sənəddə vurğulanır.

Lakin həm Nümayəndələr Palatasında, həm də Senatda müvafiq komitələr hələlik Pentaqonun
“F/A-XX” proqramı üçün maliyyənin azaldılması təklifi ilə razılaşmayaraq, nazirlikdən və HDQ-dən layihə haqqında əlavə məlumat tələb ediblər. Qanunvericilər xüsusilə döyüş təyyarələrinin hazırlanmasında gecikmələrin ABŞ HDQ-nin Çin HDQ-dən geri qalmasına səbəb ola biləcəyindən narahatdırlar.


Sahil İsgəndərov
AzVision.az


Teqlər: Pentaqon   F-47  



Xəbər lenti


Azvision.az ©2014 | Bütün hüquqları qorunur