“Aprelin 28-dən 29-na keçən gecə Pakistan ordusu Kupvara və Baramulla rayonları ilə üzbəüz ərazilərdə Nəzarət Xətti boyunca səbəbsiz atıcı silahlardan atəş açıb. Hindistan ordusu tez və effektiv cavab verib”, - bəyanatda deyilir.
Ölən və yaralananlar barədə məlumat açıqlanmayıb.
Cammu və Kəşmirdə 26 nəfərin ölümü ilə nəticələnən terror hücumundan sonra Nyu-Dehli ilə İslamabad arasında gərginlik fonunda Hindistan-Pakistan sərhədində atəşkəs ardıcıl olaraq beşinci gecədir ki, pozulur.
Hökumətdəki mənbələrə istinad edən “Economic Times” qəzetinin yazdığına görə, Hindistan öz hava məkanını Pakistan daşıyıcılarının üzünə bağlamaq və Pakistan gəmilərinin Hindistan limanlarına çıxışına qadağa qoymaq barədə düşünür.
|
| Ərdoğan: “Pakistan və Hindistan təmkinli olmalıdırlar” |
Hazırda Pakistanın Beynəlxalq Hava Yolları dövlət şirkəti Sinqapur və Tailanddan başqa Kuala-Lumpur və digər Malayziya şəhərləri də daxil olmaqla dünyanın bu hissəsindəki bir neçə istiqamətə daxil olmaq üçün Hindistanın hava məkanından istifadə edir.
Xatırladaq ki, Pakistanla Hindistan arasında yaşanan gərginlik fonunda Türkiyə prezidenti Rəcəb Tayyib Ərdoğan ikitərəfli münasibətlərdəki böhranın diplomatik yollarla həll olunacağına ümid etdiyini bildirib.
Sahil İsgəndərov
AzVision.az
Vaxtında, Aydın, Lazımlı!
-1745759929.jpg&h=190&w=280&zc=1&q=100)
-1745759929.jpg&h=120&w=187&zc=1&q=70')
